09.09.2021 Барлық жаңалықтар

Араға 4 күн салып, яғни, 13 қыркүйекте 2021-2022 оқу жылы басталады.
⠀
Бакалавриаттың 1-курстарының алғашқы семестрі қашықтықтан оқыту форматында өткізіледі.
⠀
Бакалавриаттың 2-4 курстары, магистратураның 1-2 курс және докторантураның 1-3 курс студенттері алғашқы семестрді құрамдасқан форматта өткізеді.
⠀
Офлайн форматта стендтер мен жабдықтар қолданылатын зертханалық сабақтар жүргізіледі. Атап айтқанда өндірістік тәжірибелер, семинарлар және тәжірибелік сабақтар өтеді.
⠀
Онлайн форматта тек ғана лекциялар өткізіледі.
⠀
Сабаққа кіру үшін коронавирус инфекциясының алдын-алу шараларын қатаң түрде орындау қажет – ЖОО кіре-берісте орнатылған дезинфекциялайтын тоннельден өтіп, температураны өлшеген соң, ASHYQ жүйесі арқылы қауіпсіздік статусын растау қажет, сондай-ақ, бетпердесіз кіруге болмайды.
⠀
Одан бөлек, университет қабырғасында жүйелі түрде дезинфекциялау жүргізіледі және қолға арналған дезинфекция құралдары, бетпердеге арналған қоқыс жәшігі, ауаның қайта айналуына арналған жабдықтар, әлеуметтік қашықтықты сақтайтын жолақтар жасалған.
⠀
АЭжБУ жаңа оқу жылына толыққанды дайын! Ендігі кезекте – студент дайын болуы керек!