Негізгі міндеттер

• Практика, тағылымдама, жұмыс берушілердің оқу үдерісін ұйымдастыруға қатысу мәселелері бойынша жұмыс берушілермен өзара қатынасы;
• Кәсіби бағдарлау және жұмысқа орналастыру мәселелері бойынша кеңес беру қызметін ұйымдастыру;
• Бітірушілердің жұмысқа орналасуына септігін тигізетін іс-шараларды ұйымдастыру;
• Студенттер арасында кәсіби бағдарлау жұмысының үздік практикаларын зерттеу мен тарату бойынша қызметті және бітірушілерді жұмысқа орналастыру бойынша жұмысты ұйымдастыру.           

Жұмыс іздеу сервистері

Мемлекеттік грант иегерлерінің жұмысты өтеуі бойынша түсініктеме

ҚР «Білім туралы» Заңының 47-бабы, 17-тармағы бойынша жұмысты өтеу қарастырылған:

«Мемлекеттік білім беру тапсырысы негізінде басқа мамандықтар бойынша білім алған ҚР азаматтары ҚР Үкіметі белгілеген тәртіппен кемінде үш жыл жұмыс істеуге міндетті.

Мемлекеттік білім беру тапсырысы негізінде философия докторлары (PhD) бағдарламасы бойынша докторантураға оқуға түскен азаматтар жоғары және (немесе) жоғары оқу орнынан кейінгі білім беру ұйымдарында немесе ғылыми ұйымдарда оқуын аяқтағаннан кейін кемінде үш жыл жұмысты өтеуге міндетті».

Одан бөлек, маманды жұмысқа жіберу, өз бетінше жұмысқа орналасу құқығын беру, мемлекеттік білім беру тапсырысы негізінде білім алған азаматтардың жұмысын өтеу жөніндегі міндетінен босату немесе міндетін тоқтату қағидаларын ҚР Үкіметінің 30.03.2012ж. № 390 қаулысымен бекітілгенін ескеру қажет.

Жұмысты өтеу жөніндегі міндеттен босату жас мамандарды және PhD докторларын бөлу жөніндегі комиссияның шешімімен беріледі:

1) жұбайы (зайыбы) тұратын, жұмыс істейтін немесе қызмет өткеретін елді мекенде бос орындар болмаған жағдайдағы тұлғаларға;

2) I және II топтағы мүгедектерге;

3) магистратураға, докторантураға түскен тұлғаларға;

4) жүкті әйелдерге, үш жасқа дейінгі балалары бар немесе оларды тәрбиелеп отырған тұлғаларға.

Магистратураға немесе докторантураға түспеген адамдар қайта бөлінуге жатады

Әскери қызметке шақырылған кезде қызмет өткеру уақытын еңбекпен өтеу мерзіміне есепке алмай, қызмет ету уақытын кейінге қалдыру беріледі.

Бөлу кезінде бос жұмыс орындары болмаған жағдайда, бөлу жөніндегі комиссия жас мамандар мен философия докторларын жұмыс іздеп жүрген адам ретінде тұрғылықты жері бойынша халықты жұмыспен қамту орталығында, «Электрондық үкіметтің» веб-порталы немесе «Азаматтарға арналған үкімет» мемлекеттік корпорациясы арқылы, жұмыспен өтеу мерзімінде жұмыссыз ретінде есепте болған уақытын есепке ала отырып, тіркеуге жібереді.

Жұмысты өтеу жөніндегі міндетті орындамағаны үшін ҚР БҒМ Қаржы орталығының атынан оператор арқылы бюджетке бюджеттік шығыстарды өтеу қажет.

Бюджет шығыстарын өтемей жұмыспен өтеу жөніндегі міндетті тоқтату келесі жағдайларда басталады:

• жұмысты өтеу жөніндегі міндетті орындауға байланысты;
• құжаттармен расталатын білім алушының (жас маманның, философия докторының) қайтыс болуына байланысты;
• жұмыс істеу мерзімі ішінде I және II топтағы мүгедектік белгіленген жағдайда;
• Заңда көзделген жағдайларда жұмысты өтеу жөніндегі міндеттен босатылуына байланысты.

ҚР «Білім туралы» Заңы және № 390 Ереженің 27-тармағы

ҚР «Білім туралы» Заңына 2021 жылғы 8 қаңтардағы №410-VI өзгерістер мен толықтырулар енгізілді.

1. Жас мамандарға мемлекеттік ұйымдарда ғана емес, сондай-ақ өзге де меншік нысанындағы ұйымдарда жұмыс істеу мүмкіндігін кеңейту.

2. Ақылы оқудан мемлекеттік тапсырысқа ауыстырылған немесе керісінше, ағымдағы немесе келесі оқу жылы ішінде қайта қабылданған жағдайда оқудан шығарылған азаматтар үшін теңбе-тең жұмыспен өтеу туралы толықтыру.

3. Бюджет шығыстарын өтеу бюджет қаражатын тиімді жұмсау, олардың нысаналы мақсатын сақтау және мемлекеттік тапсырыс негізінде түскен адамдардың жауапкершілігін арттыру мақсатында нақты жұмыс істелген кезеңге барабар жүзеге асырылады.

4. ҚР БҒМ Қаржы орталығы 2021 жылдан бастап бейіні бойынша бітіруші – докторлардың қосымша санатының пысықталуына мониторингті және бақылауды жүзеге асырады.

Бос жұмыс орындар жәрмеңкесі

Түйіндемені қалай дұрыс құрастыруға және армандаған жұмысты қалай табуға болады?

HeadHunter Орталық Азия Алматы Қаласының кәсіпкерлер палатасымен бірлесіп, сіздерді 29 қыркүйекте сағат 12:00-де (Нұр-Сұлтан қ. уақыты бойынша) өтетін түйіндемені дұрыс құрастыру жөніндегі вебинарға шақырады.

Вебинарда сіздер түйіндемені қалай дұрыс құрастыру керектігін, жұмыс тәжірибесі бағанында не жазу керектігін, оны құрастыруда қандай қателіктер жібермеу керектігін және түйіндемеңізді қалай нәтижелі ету керектігін білетін боласыз. 

Вебинарға келесі сілтеме бойынша тіркеліңіз - https://kakdela.hh.ru/poll/RAsEiP9O3iOoEQreJQqGSS

Тәжірибелік компаниялар