12.02.2019 Все объявления

Алматы энергетика және байланыс университетінің Қазақстан тарихы және мәдениеті кафедрасы Ұлы Отан Соғысы Жеңісіне арналған Алматы қаласының жоғары оқу орындарының студенттері арасында «Ұлы Отан соғысы менің отбасымның тарихында»  атты  тақырыптағы

с т у д е н т т і к шығармаларға конкурс жариялайды.

Конкурстың мақсаты:

• жастарды ұлттық мәдени құндылықтар рухына, қазақстандық патриотизмге тәрбиелеу.
•  
• студент жастар арасында Отан тарихы мен халықтардың тағдыры мен мәдени дәстүріне қызығушылықты оятатын тәлімі терең тақырыптарды кеңінен насихаттау.

Конкурсқа қатысушыларға қойылатын талаптар:

Конкурсқа ұсынылатын шығармаларда Ұлы Отан соғысы жылдарындағы ата-бабаларымыздың ерлігі мен тылдағы еңбегі және оған қатысты мемлекетіміздегі ұлт пен ұлыстарды бейбітшілік пен келісімге шақыратын студенттердің ой-толғамы, өткір ойлары, өнегелі өмір туралы (эссе, зерттеу жұмысы, өлеңдер т.б.) мәселелер көрініс табуы керек.

Жұмыс қазақ, орыс, ағылшын тілдерінде, компьютерде (Times New Roman форматта, 14 шрифпен) терілген болуы тиіс.

Конкурсты өткізу тәртібі:

Ұсынылатын шығармалар «конкурсқа қатысу үшін» белгісімен 2019 жылғы 20 сәуірге дейін АЭжБУ, Қазақстан тарихы және мәдениеті кафедрасы Д 405 каб. (b.kabdushev@aues.kz)  қабылданады.

Жеңімпаздарды сараптамалық кеңес анықтайды.

Нәтижесі сәуірдің 26-да анықталып, жеңімпаздар марапатталады.