18.08.2020 Все объявления
Ғұмарбек Дәукеев атындағы "АЭжБУ" КЕАҚ жатақханаларынан орын беру
Жатақханаға мұқтаж барлық бірінші курс студенттеріне АЭжБУ-ге оқуға келген кезде орын беріледі.
Қашықтықтан оқытуға байланысты жатақханаға орналастыру шамамен 2020 жылдың қазан айында болады. АЭжБУ сайтындағы жаңалықтарды қадағалап отырыңыз.
Өтініш беру сілтемесі:
1.АЭжБУ жатақханаларында кім тұра алады?
Университет жатақханаларында мемлекеттік білім беру тапсырысы бойынша немесе толық төлем негізінде оқитын және Қазақстан Республикасының шалғай облыстарынан келген студенттер, сондай-ақ шет мемлекеттердің азаматтары тұруға құқылы.
2.Жатақханаға орналасу кезінде кім артықшылыққа ие болады?
Бірінші кезекте жатақханадағы орындармен келесі талапкерлер қамтамасыз етіледі:
* I және II топтағы мүгедектер қатарындағы мүмкіндігі шектеулі тұлғалар, мүгедек балалар, жетім немесе I және II топтағы мүгедек ата-аналары (екеуі немесе біреуі) бар балалар;
* кәмелетке толған кезде ата-анасының қамқорлығынсыз қалған тұлғалар;
* ауылдың әлеуметтік-экономикалық дамуын айқындайтын мамандықтарға түскен ауыл жастары қатарындағы тұлғалар, сондай-ақ ҚР азаматтары болып табылмайтын оралмандар;
* 18 жасқа дейінгі 3 және одан жоғары көп балалы отбасынан шыққанталапкерлер, онымен қоса оқу кезеңінде 21 жастан аспаған білім алушылар.
• 1-курс студенттері (талапкерлер), одан әрі 2-курс студенттері, сосын 3-курс студенттері және соңғы кезекте 4- курс студенттері орналасады.
3. Қандай және қай санаттағыларға жеңілдіктер бар?
Жетім балалар мен ата-анасының қамқорлығынсыз қалған және қамқорлықтағы (қамқоршылықтағы) балалар қатарындағы талапкерлерден тұру үшін ақы алынбайды.
4. Жатақханаға тұру үшін қандай құжаттарды ұсыну қажет?
Келесі құжаттарды ұсыну қажет:
* жеке куәлік (көшірме);
* 3 \ 4 фотосурет - 3 дана;
* № 086 медициналық анықтама (көшірмесі немесе электронды түрде).
Ескерту: жеңілдіктерге құқығы бар талапкерлер (2 және 3 сұрақтарды қараңыз) келесі құжаттарды қосымша ұсынуға міндетті:
* ата-анасының немесе отбасы мүшелерінің бірінің мүгедектігі туралы куәлік;
* ата-анасының қайтыс болуы туралы куәлік;
* өзінің туу туралы куәлігі және кіші інілерінің туу туралы куәліктері;
* жеңілдіктер беруді растайтын басқа да құжаттар.
5. Жатақханада орын беру кезінде қандай рәсім қарастырылған?
Жатақханадан орын беру негізі өтініш (ректордың атына белгіленген үлгіде) болып табылады.
Өтініш:
* университет сайтына немесе қабылдау комиссиясына беріледі
(өтініш электрондық түрде берілген жағдайда, барлық міндетті құжаттар сканерленген түрде қоса берілуі тиіс).
* өтініш берген барлық талапкерлерге бұйрықты университеттің ресми әлеуметтік беттеріне орналастыру арқылы комиссия қабылдаған шешім туралы хабардар етіледі.
* талапкерлер берген өтінішті қанағаттандыру туралы немесе бас тарту туралы хабарлама 2 жұмыс күнінен кешіктірілмей жіберіледі.
* өтініштерін Комиссия мақұлдаған талапкерлер Жалдау шартына қол қояды.
* шартқа қол қойылғаннан және алғашқы төлем енгізілгеннен кейін (кемінде 1 ай тұру үшін) талапкер жатақханада тұру құқығына ие болады.