12.02.2020 Все объявления

---

Халықаралық ынтымақтастық және академиялық ұтқырлық департаменті (ХЫАҰД – А 222) 1 және 2-курс (болашақ 2020-2021 оқу жылының 2-3 курсы) бакалавриат студенттерін академиялық ұтқырлық бағдарламасы бойынша ҚР БҒМ бюджет қаражаты есебінен шетелде оқу конкурсына қатысуға шақырады.

Үміткерлерге қойылатын талаптар:

– жоғары деңгейлі үлгерімі

– Ағылшын тілін меңгерудің жоғары деңгейі (В2 төмен емес).

Шарттары:

Конкурстық іріктеуден өткен студентке республикалық бюджет қаражатынан төмендегілер төленеді:

– “Эконом” сыныбы бойынша екі жаққа ұшу жолы

– Студенттік жатақханада тұру

– Виза

– Медициналық сақтандыру

Білім алушылардың жеке қаражаты есебінен тамақтану, өзге де тұрмыстық және көлік шығындары шығуы мүмкін.

Үміткерлер ХЫАҰД – ға келесі құжаттарды ұсынуы қажет:

-ҚР азаматы паспортының көшірмесі

-ЖОО мөрімен расталған ағымдағы үлгерімі туралы Транскрипт

-ағылшын тілін меңгеру деңгейін растайтын құжат

(үміткер төмендегі құжаттардың бірін ұсынады):

– шет тілін білуді бағалаудың халықаралық жүйесі арқылы алынған Сертификат (бар болған жағдайда);

– Шетелдік ЖОО-ның ағылшын тілі деңгейімен студентті қабылдауға келісімі туралы хат;

– Қазақстандық ЖОО-ның тестілеу нәтижесі (кемі В2 деңгейі)

-ҚР-нан шығу кезінде 18 жасқа жетпеген жағдайда, үміткердің ата-анасының, қамқоршыларының, заңды өкілдерінің шетелге шығуға жазбаша келісімі;

-студенттің көп балалы екенін растау үшін отбасы құрамы туралы құжат;

-студенттің ата-анасының жоқтығын растайтын құжат (жетімдерге немесе ата-анасының қамқорлығынсыз қалған студенттерге жататын студенттер үшін);

-студенттің мүгедектігін растайтын құжат.

Шетелде оқуға үміткерлерді іріктеу кезінде төмендегілер басымдыққа ие болады:

-жетім балалар мен ата-анасының қамқорлығынсыз қалған балалар;

-Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6697 болып тіркелген) № 082/е нысан бойынша медициналық анықтаманы ұсынған, тиісті шетелдік білім беру ұйымдарында медициналық қорытындыға сәйкес оқуға болмайтын бала кезінен мүгедектер және мүгедек балалар;

-көп балалы отбасынан шыққан балалар;

-шетелдік жоғары оқу орындарынан шақыртуы бар үміткерлер.

Құжаттарды өткізудің соңғы мерзімі – 12.02.2020 ж. дейін

Барлық сұрақтар бойынша А-222 хабарласыңыз