22.12.2021 Барлық жаңалықтар
«АЭжБУ» студенті Әсел Жойқынбекова магистратурада оқиды және әлемді жасыл және қауіпсіз етуді армандайды. Біз оған белсенді және табысты болуға не көмектесетінін білу үшін 21 сұрақ қойдық.
- Таңертең көңіл көтеруге не көмектеседі?
- Таңертеңгі гимнастика мен музыка маған көтеріңкі көңіл-күй сыйлап, күні бойы күш-қуат береді.
- Сенің ұраның?
- Мүмкін емес ештеңе жоқ!
- Сенің басты жетістігің?
- Қазіргі таңда бұл ақылы оқудан грантқа ауысу. Мен ұйқысыз түндерімді, табандылығым мен осы мақсатқа жету жолындағы еңбегімді ешқашан ұмытпаймын, нәтижесінде Қызыл диплом иелендім. Мен оны мақтан тұтамын.
- АЭжБУ-дағы сүйікті оқытушың?
- Маған білім берген әр оқытушыны құрметтеймін. Мен оларға берілген білім мен даналық үшін өте ризамын.
- Өмірдегі миссияң қандай?
- Менің міндетім - бақытты, дені сау, дана, сүйетін және көмектесе білетін адам болу.
- Сіздің ең ессіз идеяңыз қандай?
- Мұндай идеялар маған келмеді, немесе есімде қалмады.
- Сенің сүйікті кейіпкерің, пірің?
- Менің сүйікті кейіпкерім – Ришад Нури Гюнтекиннің «Королек - птичка певчая» романындағы Феридэ. Ол өзінің нәзіктігі мен еркелігіне қарамастан күшті тұлға. Бұл қыз жолдағы барлық кедергілерді күлімсіреп жүріп жеңуге дайын. Ол ешкімге тәуелді болмау үшін бәрін тез үйренеді. Бәріне қарамастан, ол сынған жоқ, бірақ күшейе түсті. Алға қойылған мақсаттарға қол жеткізуге батыл қадам жасап, бәріне өз күшімен қол жеткізеді. Бұл кейіпкер менімен үндеседі.
- Қандай ерекше күш туралы армандайсың?
- Өкінішке орай, әлемде қазіргі заманғы медицина әлі де емдеудің дұрыс тәсілін таба алмаған аурулар бар. Сондықтан мен сауықтыру қабілетін армандаймын. Туыстар мен достарды ғана емес, басқаларды да жанасу арқылы емдей білу.
- Өміріңдегі басты сәт?
- Менің өмірімдегі басты сәтім әлі алда деп ойлаймын.
- Сенде емтихан алдында сәттілік әкелетін рәсім бар ма?
- Жоқ.
- Сенім немесе ғылым?
- Бұл жағдайда біреуі екіншісіне кедергі жасамайды. Жеке өзім бұл ұғымдармен бөліспеймін. Сенім мен ғылым бір-бірін толықтырады, өйткені әрқайсысы адамның маңызды қажеттіліктерін қанағаттандырады, екі қағиданы біріктіреді: рухани және табиғи.
- Өмірдегі ең риясыз әрекетің?
- Бұл тұрғыда менің өмірім барынша қызықсыз.
- Сүйікті аксессуарың?
- Сақиналарды өте жақсы көремін.
- Кофе немесе шай?
- Су – денсаулыққа пайдалы.
- Қаладағы сүйікті орның?
- Менің сүйікті орным – «Тұңғыш Президент саябағы», сондай-ақ «Ботаникалық бақ». Онда сіз шу мен қаланың тыныштығынан демалып, табиғаттың сұлулығынан ләззат алып, өзіңмен өзің бола аласың.
- Құлаққабыңда қандай музыка бар?
- Құлаққапбымда түрлі музыка бар. Поп-музыкадан бастап классикалық рокқа дейін. Мұның бәрі менің көңіл-күйіме байланысты.
- Видео ойындар ойнайсыз ба?
- Жоқ, мен видео ойындар ойнамаймын.
-- Егер Илон Маск сені Марсты бағындыруға таңдаса, онда өзіңмен бірге қандай үш нәрсе алар едің?
- Маған бір нәрсе жеткілікті, бұл – отбасымның фотосуреті. Не болса да, ол маған алға жылжуға көмектеседі.
-Сен туралы ғылыми-фантастикалық фильм қалай аталады?
- Марсианка.
- Бұл фильмнің соңы қандай?
- Әлемде үйлесім және махаббат орнаған бақытты аяқталғанын қалар едім.
- Ғылымға батыл қадам басу үшін үшін қыздарға қандай кеңес берер едің?
- Өзіңізге және өз мүмкіндіктеріңізге сеніңіз, қызығушылық пен құмарлық бар барлық бағытта өзіңізді жүзеге асырыңыз. Өзіңізді шектемеңіз және өзіңізді көрсетуден қорықпаңыз. Сіз ең жақсыға лайықсыз!
Сұхбаттың кейіпкері жайлы: Әсел Ғұмарбек Дәукеев атындағы Алматы энергетика және байланыс университетіне 2017 жылы оқуға түсті. 4 жыл бойы ол студенттік өмірге белсене қатысты. «Enactus AUES» университеттік клубында HR бойынша бас маман болды. Сондай-ақ «3D принтерге арналған пластикті екінші рет пайдалану» және «Ауаны ұнтақталған әктаспен тазарту тәсілдері» тақырыбымен бірнеше ғылыми конференцияларға командамен бірге қатысты. Тұран университетінің «Мемлекеттік және жергілікті басқару» білім беру бағдарламасының «Мемлекеттік қызметшінің қазақстандық моделін қалыптастыру» апталығының іс-шараларына қатысты.
2021 жылы «Тіршілік қауіпсіздігі және қоршаған ортаны қорғау» мамандығы бойынша бакалавр дәрежесін алып, университетті бітірді және осы жылы жоғарыда аталған мамандық бойынша магистратураға түсті. Қазіргі уақытта «Халықаралық жасыл технологиялар және инвестициялық жобалар орталығы» КеАҚ компаниясының Жасыл экономика, экология және жасыл инновациялық технологиялар тақырыптары бойынша вебинарларына қатысады.
