14.06.2024 Барлық жаңалықтар

Energo University-дің студенттері атом энергетикасы саласындағы математикалық модельдеу бойынша жарыстарда сәтті өнер көрсетті

«ХакАтом: отREPEATируй навыки моделирования»- осындай атаумен Алматыда «Росатом» компаниясының математикалық модельдеу бойынша алғашқы ауқымды турнирі өтті. Оның қатысушылары 7 қазақстандық университеттен, оның ішінде Ғұмарбек Дәукеев атындағы Алматы энергетика және байланыс университетінен (Energo University) 13 команда болды.

Команда құрамына жылу энергетикасы және инженерлік экология және энергетикадағы қауіпсіздік кафедраларының студенттері кірді:

Гаухар Темирова

Эльнара Закирьянова

 Алишер Телтай

Райымбек Абзалов

Арайлым Манабай

Самал Затыбек

Команда жетекшісі-PhD, Жылу энергетикасы кафедрасының ассистент-профессоры Гульмира Акимбек.

Жарыстың тақырыбы өнеркәсіптік цифрлық шешімдер саласындағы математикалық модельдеу болды. Тапсырмалардың мазмұны REPEAT 1D модельдеуімен байланысты болды. Атап айтқанда, қатысушылар қаптамалы құбырлы жылу алмастырғыштағы жылу ағынын модельдеу мәселесін шешті және әртүрлі пайдалану шарттарында құбыр қабырғаларының температурасын анықтады.

Жарыс қорытындысы бойынша Energo University-дің энергетика және жасыл технологиялар институтының студенттері құрметті 4 орынға ие болды. Оларды жетістіктерімен құттықтаймыз және олар үшін жаңа бағытта одан әрі дамуын тілейміз!