01.11.2024 Барлық жаңалықтар

Energo University-дегі «Таврида Электрик» компаниясының ENERGYNET.LAB зертханасында «Кәсіпқоймен бір күн» жобасы аясында энергетика мамандығындағы студенттермен алғашқы кездесу өтті. Қонағымыз - біздің түлегіміз, «Маңғыстауэнергомұнай» ЖШС бас директоры Нұрдәулет Рахымұлы Қосбаев болды.

Сондай-ақ кездесуге «Маңғыстауэнергомұнай» ЖШС өндірістік энергетикалық қызметінің орынбасары Серік Жалмұханов пен «Таврида Электрик Астана» ЖШС директоры Бахруз Махаров қатысты.

Іс-шара барысында кәсіби энергетиктер мен студенттер энергетика саласындағы мансап құру тақырыбын талқылап, энергетикалық қауіпсіздік, тұрақты даму және жаңа технологияларды енгізу мәселелеріне тоқталды. Қатысушылар энергетика саласының қазіргі жағдайы, инфрақұрылымды жаңғырту және жаңартылатын энергия көздерін енгізу бойынша стратегиялық жоспарлар туралы сөз қозғады.

Сонымен қатар, саланың климаттың өзгеруі, экономикалық тұрақсыздық және нарықтың жаңа жағдайларына бейімделу қажеттілігі сияқты мәселелерге қатысты кездесетін қиындықтар талқыланды.