21.11.2024 Барлық жаңалықтар

Energo University-де жыл сайынғы PsychoExpress жобасы аясында Алматы жоғары оқу орындарының психологтары: «ХАТУ» АҚ, «Нархоз Университеті», КеАҚ Құрманғазы атындағы ҚҰК, С.Ж. Асфендияров атындағы
ҚазҰМУ, Қ.И. Сәтбаев атындағы ҚазҰТЗУ, Алматы технологиялық университеті ,Л.Б. Гончаров атындағы Қазақ 
автомобиль-жол институты, Қазақстан-Британ техникалық университеті , ҚазБСҚА және ҚАУ ХБК университеттерінің кәсіби, тегін экспресс-кеңестері өтті.

Университеттің студенттері мен қызметкерлері қысқа уақыт ішінде (бірнеше минуттан жарты сағатқа дейін) адамның ішкі күйін, оның психоэмоционалдық тепе-теңдігін және стресстік факторларға реакциясын бағалауға мүмкіндік беретін түрлі техникалар мен құралдармен танысты.

Қатысушылар ұсынылған әдістемелердің ішінен өздеріне ыңғайлы форматты таңдауға мүмкіндік алды: метафоралық ассоциативті карталар, рилив-терапия, экзистенциалды талдау, нейрографика және тағы басқалары.

Естеріңізге саламыз, Energo University-де сіз әрқашан көмек пен кеңес алуға жүгіне алатын психологиялық қолдау қызметі жұмыс істейді:
«Б» корпусындағы №232 кабинет,
тел.: 8 (727) 323 11 75 (ішкі нөмір 6921)
электронды пошта: psyconsult@aues.kz