01.07.2020 Барлық жаңалықтар

«Қазақстандағы энергетика саласын кадрлық қамтамасыз ету» тақырыбына арналған дөңгелек үстел

АЭжБУ-дің 45 жылдығы аясында Ғұмарбек Дәукеев атындағы АЭжБУ  Жылу энергетика және жылу техника институты  Ғұмарбек Дәукеев атындағы «АЭжБУ» КеАҚ ректоры   С. С. Сагинтаеваның және ҚР Энергетика вице-министрі К.Б. Рахимовтың қатысуымен «Қазақстандағы энергетикалық саланы кадрлық қамтамасыз ету» тақырыбында дөңгелек үстел ұйымдастырды.

Талқылауға Ғылыми және инновациялық қызмет жөніндегі проректор, PhD докторы – А.А. Саухимов, т.ғ.д., ҚР ҰҒА академигі, КСРО Мемлекеттік сыйлығының лауреаты, ҚР Еңбек сіңірген энергетигі, профессор – Б.К. Алияров, т.ғ.д., академиялық профессор, Қазақстанның еңбек сіңірген өнертапқышы және рационализаторы, ТМД еңбек сіңірген энергетигі, ҚР Еңбек сіңірген энергетигі – Р.К. Орумбаев, АЭжБУ оқытушы-профессорлар құрамы мен ғылыми қызметкерлері, Мемлекеттік басқару органдарының өкілдері және еліміздің ірі өнеркәсіп басшылары қатысты.

Дөңгелек үстелге қатысушылар онлайн режимде еліміздің энергетикасын дамыту саласындағы кадрлық қамтамасыз етудің өзекті мәселелерін, энергетика саласы үшін ғылыми кадрларды даярлаудағы бейінді ғылыми-техникалық ЖОО-ның негізгі қызметтерін талқылады.

ҚР Энергетика вице-министрі К.Б. Рахимов білім беру және энергетика саласын дамыту саласындағы мемлекеттік саясатты қолдау үшін ғылыми-техникалық кадрларды сапалы даярлаудың маңыздылығын атап өтті.