26.12.2020 Барлық жаңалықтар
"Заманауи білім" республикалық журналында Ғұмарбек Дәукеев атындағы Алматы энергетика және байланыс университетінің ректоры Сaуле Саветовна Сагинтаеваның сұхбаты жарық көрді.
Әңгіме университеттің бүгінгі жұмыс күндері, осы қиын уақытта университет қызметінің стратегиясы мен тактикасы туралы болды. ЖОО пандемия жағдайында өзін қалай сезінеді? АЭжБУ-да бірінші курсқа келгендердің деңгейі қандай? Кәсіптік бағдар беру жұмысы ЖОО-мен қалай құрылады? Университетте студенттердің инновациялық идеялары қолдауға ие бола ма? ЖОО-да студенттік стартаптарды іске асыру мүмкіндігі бар ма? Соңғы жылдары түлектердің жұмысқа орналасу динамикасы қандай, біздің тәрбиеленушілеріміздің өндіріске бейімделуінде қиындықтар бар ма? Өткен жылы жалпы ел үшін және АЭжБУ үшін не маңызды болды?
Атап айтқанда, университет ректоры университетте техникалық мүмкіндіктер жеткілікті екенін, бірақ онлайн режимінде оқуға көшу оңай болмағанын және туындаған мәселелерді жедел шешуді талап ететінін атап өтті:
«Үйреншікті білім беру бағдарламаларының форматын цифрлыққа өзгерту, онлайн-сабақтар, дәрістер, вебинарлар, тест тапсырмаларының базасын және тағы басқаларын әзірлеу қажет болды. ЖОО студенттері де, оқытушылары да қатар оқыды, ғимараттарға санитарлық тоннельдер мен санитайзерлер орнатылып, аудиториялық қор қайта форматталды. Пандемия мен карантин кезінде өзекті және университет атауымен үндес ұран да ойлап табылды: «Қашықтықты сақтаймыз. Энергияны сақтаймыз. Байланысты жетілдіреміз». Коронавирустық пандемия біздің алдымызда жаңа мүмкіндіктер ашты. Атап айтқанда, біз университеттегі барлық процестерді цифрлық форматқа көшіру, оның барлық атрибуттары бар жеке білім беру платформасын жасау қажет екенін түсіндік. Сондықтан біз цифрлық офицер лауазымын енгіздік, бағдарламашылар тобын құрдық және цифрлық университет бағытында жұмыс істей бастадық. АЭБУ-да барлығы 75 оқу және ғылыми зертхана жұмыс істейді. 2017 жылы ЖОО-ны зерттеу университетіне трансформациялау стратегиясы қабылданды, онда негізгі бағдар оқытушылар, студенттер, магистранттар мен докторанттардың кеңінен қатысуымен өндірістің нақты міндеттерін шешу арқылы білім беру процесін жаңарта отырып, жоғары сапалы зерттеулерді орындау болды. Факультеттерден институттарға ауысу әрбір сала бойынша ғылыми-техникалық дамудың басым бағыттарын жеке шоғырландыруға және қолданбалы зерттеулерді тапсырыс берушілердің нақты сұраныстарына жақындатуға мүмкіндік берді. Университет «Цифрлық Қазақстан» бағдарламасына белсенді қатысады. Коронавирустың таралуы бойынша соңғы оқиғалар аясында біздің ғалымдардың экологияға антропогендік жүктемені азайту жөніндегі зерттеулері мен әзірлемелері өзекті болып табылады. Өткен жылы біздің студенттер Малайзиядағы Shell Eco-marathon байқауына сәтті қатысты. Олар «Contact to work environment» («Жұмыс ортасымен ынтымақтастық») параметрі бойынша u-Multirank халықаралық рейтингіне қатысқан 200 команданың ішінен әлемнің 30 үздік командасының қатарына кірді. АЭжБУ энергетика және ақпараттық технологиялар мамандықтары бойынша топ 25-ке кіреді. МЗТО деректерімен расталған «Атамекен» ҰКП қазақстандық рейтингінің нәтижелері бойынша жұмысқа орналастыру көрсеткіші 83-95% құрайды. Біз оқу бағдарламаларының фокусын Студенттердің кәсіпкерлік дағдыларды алуына, олардың инновациялық құзыреттерін арттыруға, көшбасшылық қасиеттерін қалыптастыруға өзгертеміз. Бәсекелестік – прогрестің қозғаушы күші деген тезис білім беру саласы үшін де ұлттық экономиканың саласы ретінде әрекет етуі тиіс. 2021 жылдан бастап күшіне енетін Білім және ғылым Министрлігі қабылдаған жоғары оқу орындарының өз үлгісіндегі дипломдарды беруі туралы бұрын-соңды болмаған шешім білім беру қызметтерінің сапасын арттыру және елдің одан әрі әлеуметтік-экономикалық дамуы бағытындағы прогрессивті қадам болып табылады. Университет өзінің құрылған сәтінен бастап білім беру сапасының жоғары деңгейін белгілеп, өзін сыбайлас жемқорлықтан ада ЖОО ретінде көрсетті. Біз бұл жолдан ешқашан таймадық, бұл АЭжБУ-дың «Тарихқа тағзым, болашаққа тағылым» ұранынан көрініс табады».
Осылайша, сұхбат барысында біздің университетіміздің танымалдылығын, оның үнемі өсіп келе жатқан беделін түсіндіретін көптеген сырлар ақтарылды. Университет ректоры ұжым қызметінің, қазіргі университет сияқты күрделі организмге басшылық жасаудың тәжірибесімен, тіпті құпияларымен бөлісті.