Ректор блогы




Сагинтаева Сауле Саветовна

«Ғұмарбек Дәукеев атындағы АЭжБУ» КеАҚ ректоры, математика профессоры,
физика-математика ғылымдарының кандидаты, экономика ғылымдарының докторы,
Халықаралық ақпараттандыру академиясының академигі

 

Алматы энергетика және байланыс университетінің сайтына қош келдіңіздер!
Сіз Қазақстан және Орталық Азиядағы техникалық бейіндегі жетекші жоғары оқу орындарының бірі болып табылатын АЭжБУ-дің үлкен әрі тату командасының мүшесі атандыңыз.
Алматы энергетика және байланыс университетінің тарихы Қазақ политехникалық институтында инженер-энергетиктерді даярлайтын энергетика факультеті ашылған сәттен, яғни 1960 жылдан бастау алады.
1975 жылы факультет дербес жоғары оқу орны – Алматы энергетика институты болып қайта құрылды. Сол сәттен бастап қазіргі уақытқа дейін Алматы энергетика және байланыс университеті ұлттық білім беру жүйесі мен посткеңестік кеңістікте энергетика, аэроғарыш және IT салаларының кадрларын даярлайтын көшбасшы болып табылады.
Бүгінде АЭжБУ – сапалы білім беру мен алдыңғы қатарлы білім, өзекті ғылыми зерттеулер мен студенттік жобалар орталығы.
Бүгінде АЭжБУ – мемлекет пен қоғам, академиялық және кәсіби қауымдастық тарапынан мойындалған жоғары оқу орны. Бұған дәлел - жоғары оқу орнының мемлекеттік аттестациясы мен оның барлық білім беру бағдарламаларының аккредитациясы.
АЭжБУ – мемлекеттік органдарда басшылық қызметтер атқаратын, экономиканың нақты секторларының барлық деңгейінде жұмыс істейтін және еліміздің экономикасының, ғылымы мен білімінің дамуына елеулі үлес қосып жүрген 40 мыңнан астам табысты бітірушісі бар оқу орны.
АЭжБУ – оқу мен спорттағы үлкен жетістіктерге, жарқын сәттер мен ұмытылмас шараларға толы студенттік өмір сыйлайтын білім ордасы.
АЭжБУ «Өмір бойы білім алу» қағидатын ұстанады және Колледж – Бакалавриат – Магистратура – PhD докторантура – МВА – инженерлік және педагогикалық кадрлардың біліктілігін арттыру сияқты білім берудің үздіксіз кезеңін іске асырады.
АЭжБУ дипломы – сапа мен жұмысқа орналасу кепілі!
Университеттің барлық қызметі студенттерге жеке тұлға ретінде дамуларына және кәсіби маман иесі атануларына жағдайлар жасауға бағытталған.
АЭжБУ-дің ауқымды халықаралық байланыстары студенттер мен оқытушыларға серіктес жоғары оқу орындарында оқуға және тағылымдамадан өтуге мүмкіндіктер береді.
Талапкерлерге болашақ мамандықтарын дұрыс таңдауларын, студенттер, магистранттар мен докторанттарға сәтті оқу, ал әріптестеріме басты міндеттерін атқаруда: еліміздің лайықты азаматтарын тәрбиелеуде аянбай еңбек етулерін тілеймін.
Баршамызға биік мақсаттар мен жарқын болашаққа деген ұмтылыс тілеймін.

Жиі қойылатын сұрақтар:

Сұрақ: АЭжБУ бакалавриат мамандығына түсу үшін қандай пәндерді таңдау керек?

Жауап:

АЭжБУ-дың кез келген мамандығына түсу үшін математика және физика бейіндік пәндерін таңдау керек.

Сұрақ: АЭжБУ-ге мемлекеттік гранттарға түсуге болады ма?

Жауап:

Иә, АЭжБУ-дың барлық мамандықтары мемлекеттік гранттар конкурсына қатысады.

Сұрақ: Университетке құжаттарды қабылдау қашаннан басталады?

Жауап:

Құжаттар ақылы оқуға 1 ақпан - 25 тамыз аралығында жүргізіледі.

Сұрақ: АЭжБУ дайындық курстары бар ма?

Жауап:

Иә, университетте 11-сыныптар үшін ҰБТ-ға дайындық курстары бар.

Сұрақ: Оқу ақысы қанша?

Жауап:

АЭжБУ-де таңдалған мамандыққа байланысты оқу ақысы жылына 700 000 теңгені құрайды. Оқу ақысының бағасы туралы толық ақпарат мұнда

Сұрақ: Бакалавриат бағдарламасына түсу үшін қандай құжаттарды тапсыру керек?

Жауап:

Өтініш;

Білімі туралы құжат және қосымша (түпнұсқа);

ҰБТ және ТКТ сертификаттары;

3*4 фотосурет – 2 дана;

Денсаулық паспорты (егу картасы);

Жеке куәлігінің көшірмесі;

Салыстыру үшін барлық құжат көшірмелерімен қоса түпнұсқалары берілуі керек. Салыстыру жүргізілгеннен кейін түпнұсқалар қайтарылады.

Сұрақ: Құжаттарды қайда өткізу керек?

Жауап:

Қазақстан Республикасы, Алматы қ.  Байтұрсынов к., 126/1, А ғимараты, Алматы энергетика және байланыс университетінің қабылдау комиссиясына.

Сұрақ: Менің құжаттарды ерте тапсыруым оқуға түсуіме әсер етеді ме?

Жауап:

Жоқ, әсер етпейді. Біз үшін Сіздің белгіленген мерзімнен кеш қалмағандығыңыз маңызды.

Сұрақ: Колледжге түсу емтихандары қалай өткізіледі?

Жауап:

Түсу емтихандары тест түрінде болады.

Тестілеу 11-сынып базасында  келесі пәндер бойынша болады:

Қазақ (Орыс) тілі

Қазақстан тарихы

Математика

Физика (1306000 Радиоэлектроника және байланыс мамандығы үшін)

Сұрақ: Колледжге түсу үшін қандай құжаттар қажет?

Жауап:

Колледжге түсу үшін қабылдау комиссиясына келесі құжаттарды тапсыру қажет:

  1. Өтініш
  2. Негізгі орта білімі туралы куәлік  (9-сыныптан кейін) немесе жалпы орта білімі туралы  аттестат (11-сыныптан кейін) түпнұсқасы және көшірмесі;
  3. ҰБТ нәтижелерінің сертификаты (11-сыныптан кейін) түпнұсқасы;
  4. 063 үлгісіндегі анықтама және денсаулық паспорты;
  5. 3*4 фотосурет – 6 дана;
  6. Жеке куәлігі немесе туу туралы куәлігі және ЖСН түпнұсқасы + 3 көшірме;
  7. 16 жастан асқан жігіттер үшін  тіркеу куәлігі (мекенжай анықтамасы);

Сұрақ: АЭжБУ колледжіне түсушілерге құжаттар қашан қабылданады?

Жауап:

Күндізгі оқу түріне  20 маусым - 20 тамыз аралығында, ал сырттай оқу түріне 20 маусым -  20 қыркүйек аралығында қабылданады.

Сұрақтарыңыз бар ма?