«Ақпараттық жүйелердің қауіпсіздігі» білім беру бағдарламасының мақсаты – алдыңғы қатарлы ІТ-технологиялар мен АҚ мүмкіндіктерін шоғырландыруды, компьютерлік ақпаратты кешенді қорғауды әзірлеу, пайдалану және уақтылы қамтамасыз ету арасындағы интеграцияны, ақпараттық қауіпсіздік аудитін жоспарлау мен бақылауды және киберқауіптерді бағалауды, аақпараттық тәуекелдерді талдауды қамтамасыз етуге және соған сәйкес ұйымның ақпараттық қауіпсіздігін қамтамасыз ету жөніндегі шараларды әзірлеуге және іске асыруға қабілетті жоғары білікті мамандарды дайындау.

Бағдарламаның артықшылықтары:

1. Тәжірибеге бағытталған: Білім беру процесі бизнес әлемі мен мемлекеттік органдардың нақты жағдайлары мен сценарийлерімен белсенді өзара әрекеттесу негізінде құрылады.

2. Халықаралық мойындау: "МИФИ" ҰЗЯУ оқу бағдарламасының бөлігі ретінде екі диплом алу мүмкіндігі, бұл халықаралық мансап мүмкіндіктеріне жол ашады.

3. Сарапшылар құрамы: Бағдарлама оқытушылары ақпараттық қауіпсіздік саласында көп жылдық тәжірибесі бар жоғары білікті мамандар.

Мансап мүмкіндіктері:

Магистратура түлектері мемлекеттік және коммерциялық ұйымдардың, банктер мен муниципиалдық мекемелердің, күштік ведомстволардың ақпараттық қауіпсіздігін қамтамасыз ету салаларында, сондай-ақ телекоммуникация саласындағы кәсіпорындар мен мекемелерде жұмысқа орналаса алады. Сондай-ақ қауіпсіздік қызметінің маманы, жүйелік әкімші, байланыс құрылымдарында, өнеркәсіпте, көлік қызметтерінде, ғылым мен білім беруде, медицинада, ауыл шаруашылығында, экономикада, бизнесте және басқа да салаларда қорғалған инфокоммуникациялық желілер мен деректер базасын жобалаушы қызметін атқара алады. Кәсіби қызметтен басқа, магистратура түлектері PhD докторантурасында оқуын жалғастыра отырып, ғылыми-педагогикалық қызметпен айналыса алады, сондай-ақ жоғары оқу орындарында педагогикалық қызметпен айналыса алады. «Ақпараттық қауіпсіздік жүйесі» білім беру бағдарламасының магистратура түлектерінің еңбек нарығында сұранысқа ие болу деңгейі өте жоғары.