29.11.2021 Барлық жаңалықтар

2021 жылғы 26 қарашада Ғ.Дәукеев атындағы Алматы энергетика және байланыс университетінде И. Раззаков атындағы Қырғыз мемлекеттік техникалық университетінің өкілдерімен кездесу өтіп, оның барысында ынтымақтастық туралы шартқа қол қойылды. АЭжБУ басшылығы Қырғызстаннан келген серіктестеріне университетаралық достық қағидаттарын ұстанатынын растады және университетке келгені үшін, атап айтқанда: Энергетика факультетінің деканы Ж. Галбаевқа, Электр энергетикасы кафедрасының меңгерушісі А. Бакасоваға, Электрмен жабдықтау кафедрасының меңгерушісі Б. Сариевке, Электроника және  телекоммуникация институтының директоры Б. Каримовке, Радиоэлектроника кафедрасының меңгерушісі А. Кармышаковке, ЭТИ директорының орынбасары Р.Бакытовқа алғыс білдірді.

Іс-шара барысында университеттер арасындағы ынтымақтастық мәселелері талқыланды, атап айтқанда, ШЫҰ мемлекетаралық желісі бойынша бірлескен жұмыс, студенттер алмасу және кафедралар мен институттар арасында тәжірибе мен білім алмасуды күшейту мәселелері қозғалды. Сонымен қатар, шағын су электр станцияларын дамыту және пандемияның білім беру процесіне әсері тақырыптары қозғалды. Тараптар жемісті кооперацияға ұмтылысын білдіріп, Ғ.Дәукеев атындағы АЭжБУ мен И. Раззаков атындағы ҚМТУ арасындағы ынтымақтастық туралы шартқа қол қойылғандығын мәлімдеді. Қырғызстан өкілдері зертханаға барып, университеттің ғылым мен білімдегі соңғы жетістіктерін көрсетті.