25.02.2022 Барлық жаңалықтар

2022 жылдың 25 ақпанында Ғұмарбек Дәукеев атындағы Алматы энергетика және байланыс университетінде ҚР БҒМ ҒК Философия, саясаттану және дінтану институтының аға ғылыми қызметкері Алмасбек Шағырбаймен кездесу өтіп, студенттерге жастар арасында деструктивті ойлаудың алдын алу туралы айтып берді.

"Ислам, христиан, буддизм және басқа да дәстүрлі діндер ізгілік пен гуманизмді уағыздайды. Біздің елде атеистер қудаланбайды, өйткені Конституция бар және ар-ождан бостандығы құқығы бар. Біз бүгін экстремистердің адамдықоғамнан алшақтатып, әкені балаға, бауырды бауырға қарсы қоймақ әрекеттерін байқаймыз. Олар жас жігітті отбасынан бас тартуға, университеттен кетуге, достармен байланыспауға мәжбүр етеді . Осыдан кейін адам өзінің ешкімге қажет емеспін деп сене бастайды - бұл жамандыққа апаратын жол. Біз экстремизмнің қандай қауіп төндіретінін түсінуіміз керек. Құранда басқа діндер мен халықтарға деген махаббат, мейірімділік пен құрмет туралы айтылады. Бірақ экстремистер контекстті бұзып, исламды бұрмалайды. Біз ішімізде сүзгі жасап, дінді ресми ақпарат көздері арқылы білуіміз керек. Әлеуметтік желілер мен шетелдік уағыздаушыларға сенуге болмайды. Қазір интернетте біздің сүйікті, туған Қазақстанымыздың тұрақтылығын бұзуға ұмтылатын халықаралық террористік ұйымдарды арандатушылар мен жалдаушылар жұмыс істейді", - деді ол.

Кездесу барысында тұрмыстық ислам, салафизм қаупі, мұсылманның іс жүзіндегі сыртқы белгілері туралы айтылып, университет студенттерімен түсіндіру сұхбаты өткізілді.