06.12.2022 Барлық жаңалықтар

Ғұмарбек Дәукеев атындағы Алматы энергетика және байланыс университетінің Біліктілікті арттыру институты және «Инженериядағы менеджмент және кәсіпкерлік» кафедрасы «Цифрлық қоғам» ҚҚ-мен бірлесе отырып, Еуразия қорының өкілдігінің және АҚШ Халықаралық даму агенттігінің «Орталық Азиядағы әлеуметтік инновациялар» бағдарламасының қолдауымен мемлекеттік сатып алу бойынша инновациялық курс шеңберінде қонақ дәрістерінің топтамасын ашады.

2022 жылдың 7 желтоқсанында «А» ғимаратының А-101 кабинетінде сағат 16:00-18:00 аралығында «Қазақстан заңгерлер одағы» Республикалық қоғамдық бірлестігінің қалалық филиалының төрағасы, Алматы қаласы бойынша Заң консультанттары палатасының басқарма төрағасы, Алматы қаласы Қоғамдық кеңесінің Сыбайлас жемқорлыққа қарсы іс-қимыл комитетінің мүшесі, «Әділдік жолы» Республикалық қоғамдық бірлестігінің Алматы қалалық филиалының директоры Бауыржан Есенгелдіұлы Мақұлбаевтың «Сыбайлас жемқорлықпен күресудегі қоғамның рөлі» тақырыбында бірінші қонақ-дәрісі өтеді.

Экономикалық ынтымақтастық және даму ұйымының (ЭЫДҰ) мәліметтері бойынша, ЭЫДҰ елдеріндегі барлық сыбайлас жемқорлық қылмыстарының 57%-дан астамы мемлекеттік сатып алуларда орын алады. Дәрісте АЭжБУ магистранттары мен студенттері «Әділдік жолы» РҚБ қызметіндегі мысалдарды пайдалана отырып, Қазақстан Республикасының Президенті Қасым-Жомарт Тоқаев бекіткен Сыбайлас жемқорлыққа қарсы іс-қимылдың мемлекеттік тұжырымдамасын азаматтық қоғам ұйымдарының практикалық іске асыруымен тікелей танысады.