11.09.2024 Барлық жаңалықтар
11 қыркүйекте Energo University-де ректор Ғани Нығыметов пен Alageum Electric басқарушы компаниясының басқарма төрағасы Нұржан Стваев елдің жетекші энергетика университеті мен Қазақстанның танымал электротехникалық компаниясы арасындағы ынтымақтастық мүмкіндіктері мен болашағын талқылап, серіктестікті тереңдету туралы келісті.
Кездесу барысында Ғани Нығыметов университеттің өндірістік сектормен бірқатар бағыттар бойынша белсенді өзара әрекеттесудің маңыздылығын атап өтті, оның ішінде мамандарды даярлау (жұмысшы мамандықтардан бастап бакалавриатқа дейін және индустриялық PhD деңгейіне дейін), бірлескен ғылыми зерттеулер, оқу-зертханалық базаны дамыту және студенттерге қолданыстағы кәсіпорындарда практикадан өту үшін кең мүмкіндіктер беру.
Alageum Electric сияқты ірі компаниямен ынтымақтастық біз үшін үлкен мәртебе және Қазақстанның игілігі үшін мамандарды даярлау мен ғылымды дамыту мәселелерінде кең мүмкіндіктерді ашады, - деп атап өтті Energo University ректоры Ғани Нығыметов.
Өз кезегінде, Alageum Electric басқарушы компаниясының басқарма төрағасы Нұржан Стваев компания қызметкерлерінің, соның ішінде топ-менеджментінің арасында Алматы энергетика және байланыс университетінің түлектері көп екенін, бұл университеттің осы саланың мамандарын даярлаудағы жоғары рөлін көрсететінін айтты.
Кездесу соңында ынтымақтастық туралы меморандумға қол қойылды. Тараптар дуалды оқыту жүйесін дамыту, Alageum Electric өндірістік кәсіпорындарының қызметкерлері үшін университет кафедралары мен колледж бөлімшелерін тікелей кәсіпорындарда ашу мүмкіндігі, «Индустриялық PhD» бағыты бойынша инженерлік құрамға гранттық қолдау аясында оқытуды өткізу, сондай-ақ ғылыми жобалар бойынша бірлескен жұмыстарды жүргізу туралы келісті.