04.11.2024 Барлық жаңалықтар

Energo University-де Коджаэли университетінің (Измит қаласы, Түркия) Инженерия факультеті Механикалық инженерия кафедрасының PhD профессоры Муслим Ариджи «Энергетикалық қауіпсіздікті қамтамасыз етудегі жылу энергетикалық жүйелерінің рөлі» тақырыбында қонақ ретіндегі дәрісін оқыды.

Дәріске Автоматтандыру және ақпараттық технологиялар институты мен Энергетика және жасыл технологиялар институтының оқытушылары мен студенттері қатысты.

Муслим Ариджидің айтуынша, бүгінгі таңда жылу энергетикалық жүйелері елдер мен аймақтардың энергетикалық қауіпсіздігін қамтамасыз етуде маңызды рөл атқарады. Олар электр энергиясы мен тұрғын және өндірістік ғимараттарды жылытуға қажетті жылуды сенімді әрі тұрақты өндірумен қамтамасыз етеді.

Шетелдік сарапшы өз баяндамасында жылу энергетикалық жүйелерінің негізгі функцияларына, олардың сенімділігі мен тұрақтылығына ерекше назар аударды. Профессор энергия көздерін әртараптандырудың экономикалық тұрақтылықпен байланысын және жаһандық климаттың өзгеруі жағдайында экологиялық аспектілерді де атап өтті.