08.11.2024 Барлық жаңалықтар

Energo University-дің «Автоматтандыру және басқару» бағыты бойынша білім алып жатқан студенттеріне әлемге танымал ABB компаниясының Қазақстандағы өкілдігінде ақылы тағылымдамадан өту мүмкіндігі берілді.

3-курс студенттері келесі орындар бойынша конкурсқа қатысуға шақырылады:

сервистік инженер-тағылымгер;

жабдықтарды сату бойынша инженер-тағылымгер;

жабдықтарды сату бойынша маман-тағылымгер.

Біліктілік талаптары: автоматтандыру және электр техникасы концепцияларын түсіну, автоматтандыру жүйелерін жобалау және модельдеуге арналған бағдарламалық қамтамасыз етумен жұмыс істеу тәжірибесі.

ABB компаниясындағы тағылымдамалар туралы толық ақпаратты Energo University-дің Автоматтандыру және ақпараттық технологиялар институтының деканатында, Д ғимаратындағы 301 кабинеттен алуға болады.

Швед-швейцариялық ABB корпорациясы әртүрлі салаларда, оның ішінде өнеркәсіптік автоматтандыруда маманданған. Қазақстанда компания 20 жылдан астам уақыт жұмыс жасап келеді. Оның қызметкерлері арасында Energo University-дің «Автоматтандыру және басқару» кафедрасының әр жылдары көптеген түлектері бар. Бүгінде компания мен кафедраның ынтымақтастықты одан әрі дамыту, соның ішінде Алматыдағы компанияның бас кеңсесінде орналасқан ABB Университетінде (оқыту орталығында) Energo University студенттерін оқыту жоспары бар.