08.11.2024 Барлық жаңалықтар

Energo University ректоры (Ғұмарбек Дәукеев атындағы Алматы энергетика және байланыс университеті) Ғани Сақтағанұлы Нығыметов Қазақстан Жоғары Мектебінің Ұлттық Ғылым Академиясының корреспондент-мүшесі болып сайланды.

Бұл атақ оған бүгін ЖМҰҒА-ның күндізгі сессиясының барысында берілді.

Бұл мәртебе Ғани Нығметовтің Қазақстан Республикасында ғылым мен жоғары білімді дамытудағы еңбегін мойындауды білдіреді.

Energo University ұжымы Ғани Сақтағанұлын құттықтап, университет пен еліміздің жоғары білім беру жүйесі игілігіне жаңа белестерге жетуді тілейді.

Анықтама:

Қазақстан Жоғары Мектебінің Ұлттық Ғылым академиясы 1992 жылы Халықаралық Жоғары Мектеп Ғылым Академиясының (ХЖМ ҒА) Қазақстандық бөлімшесі ретінде құрылды.

Бұл 45 елдің кәсіби білім беру жүйесіндегі 1200-ге жуық ірі және танымал ғалымдар мен педагогтарды біріктіретін үкіметтік емес ұйым. Академия құрамына 43 университет, барлық аймақтан 136-дан астам мүшелер кіреді.