04.12.2024 Барлық жаңалықтар

ICPC 2024–2025 бағдарламалау бойынша спорттық әлем чемпионатының ширек финалының қорытындысы бойынша Energo University командасы келесі кезең – Солтүстік Еуразия аймақтық финалында өнер көрсету құқығын жеңіп алды.

Команда құрамында «Ақпараттық жүйелер» мамандығы бойынша оқып жатқан Автоматтандыру және ақпараттық технологиялар институтының үшінші курс студенттері - Андрей Пак, Ярослав және Мирослав Тарабыкиндер бар.

Жарысқа дайындық IT-инженерия және жасанды интеллект кафедрасының оқытушылары – техника ғылымдарының кандидаты, қауымдастырылған профессор Тусупова Белла және практик-профессор Калпебаев Азаматтың жетекшілігімен өтті.

Солтүстік Еуразия аймағындағы ICPC 2024–2025 спорттық бағдарламалау бойынша әлем чемпионатының жартылай финалдық кезеңі болып табылатын аймақтық жарыстарға біздің студенттер 14-15 желтоқсан күндері Астанада қатысады. Оларға сәттілік тілейміз!