09.12.2024 Барлық жаңалықтар

Energo University-дің Автоматтандыру және ақпараттық технологиялар институтының студенттері Алматыда өткен «Tech Qyzpu - Niğde Hackathon: 24 hours of code and creativity» қазақстандық республикалық студенттік хакатонында екінші орынға ие болды

Хакатонды Қазақ ұлттық қыздар педагогикалық университеті мен «Niğde» технопаркі (Түркия) ұйымдастырды. Оған еліміздің түкпір-түкпірінен университет командалары қатысты.

Energo University-дің атынан «Есептеу техникасы және бағдарламалау» мамандығы бойынша IT-инженерия және жасанды интеллект кафедрасында оқитын үшінші курс студенттері - Али Марал, Никита Сидиропуло және Ибрагим Қуанбек қатысты. Команда жетекшісі- профессор-практик Азамат Кальпебаев.

Біздің студенттер «Студенттік хаб: қызметтер, алмасу және бос уақыт» мәселесін шешудің өз нұсқасын ұсынды және оны HTML CSS және Python бағдарламалау тілінің Django фреймворкі арқылы web-платформа ретінде жүзеге асырды. Бұл шешім біздің команданың дайындығы мен шығармашылығының жоғары деңгейін көрсетті.

Жас жеткіншектер мен жетекшіні жақсы нәтижемен құттықтаймыз және болашақ халықаралық және республикалық конкурстар мен жарыстарда жаңа идеялар, шабыт және жарқын жетістіктер тілейміз!

Автоматтандыру және ақпараттық технологиялар институты