10.12.2024 Барлық жаңалықтар

Оқу залы бар заманауи кітапхана және кең коворкинг Energo University-дің студенттері мен қызметкерлеріне есігін ашты.

2024 жылдың жазынан бастап Energo University университет кампусын белсенді түрде жаңартты: холдар, дәліздер, оқу аудиториялары, зертханалар мен дәріс залдары жөнделді, жиһаздар ауыстырылды, акт залы, санитарлық тораптар қайта жаңартылды. Бүгінгі таңда жаңа кітапхананың (оқу залының ауданы – 180 шаршы метр, сыйымдылығы – 100 адамға дейін) және компьютерлік сынып пен келіссөздер бөлмелері бар коворкингтың (жалпы ауданы – 300 шаршы метрден астам, сыйымдылығы - 120 адамға дейін) ашылуы осы ауқымды жұмыстың қисынды жалғасы болды. Жаңа кітапхананың ашылуына орай университеттік кітапханалық қор қазақ, орыс және ағылшын тілдеріндегі заманауи техникалық әдебиеттермен толықтырылды – барлығы 10 млн теңгеден астам сомаға 700 данадан астам кітап.

Energo University-дің жаңа қоғамдық кеңістіктері күн сайын сағат 8.00-ден 17.00-ге дейін жұмыс істейді (сенбі мен жексенбіден басқа). Ал жақын арада коворкинг жұмысын тәулік бойы жүргізу жоспарлануда.

Energo University-дің ректоры Ғани Нығыметов студенттік актив өкілімен қарым-қатынас барысында атап өткендей, жаңартулар оқу барысын одан да ыңғайлы әрі нәтижелі етуге арналған. Университет қабылдаған студенттік центризм бағыты жалғасады. Келесі жылы ЖОО-ның 50 жылдығына ұштастырылған іс - шаралар шеңберінде жаңа зертханалар мен инженерлік коворкинг ашу, сондай-ақ кампусқа іргелес көше кеңістігін қайта жаңарту жоспарлануда.