19.12.2024 Барлық жаңалықтар

Energo University және Almaty clinic университеттің студенттеріне кең ауқымды медициналық қызмет көрсету бойынша ынтымақтастық туралы келісімге келді. Университеттің ректоры Ғани Нығыметов және клиниканың атқарушы директоры Дина Кусаинова тиісті құжатқа қолдарын қойды.

Оқу корпусының тура жанында орналасқан медициналық мекеме мен университеттің өзара әрекеттестігі студенттердің медициналық көмек пен психологиялық қолдауға жүгінуін барынша оңай және ыңғайлы қылуға мүмкіндік береді.

-Ынтымақтастық аясында біз оқуда да, белсенді қоғамдық өмірде де озат студенттерге шәкіртақы бөлдік, - деп атап өтті кездесу кезінде клиниканың атқарушы директоры Дина Кусаинова.

Energo University-дің үш студенті шәкіртақы иегері атанды:

Адилет Жумагулов - «Ауыл шаруашылығын энергиямен қамтамасыз ету» мамандығы бойынша екінші курс білім алушысы

Арайлым Айдарбекова - «Ақпараттық қауіпсіздік жүйелері» мамандығы бойынша үшінші курс білім алушысы

Ляйсан Сагитова - «Жүйелік инженерия» мамандығы бойынша үшінші курс білім алушысы