05.01.2025 Барлық жаңалықтар

Energo University-дің Энергетика және жасыл технологиялар институтының жаңа директоры болып Әмитов Ернар Таңирбергенұлы тағайындалды. Алдыңғы директор Бегимбетова Айнур Серикбаевна 2024 жылдың желтоқсанында университет жанында құрылған Жаңа энергетикалық саясат орталығының директоры қызметіне ауысты.

Ернар Әмитов - Алматы энергетика және байланыс университетінің түлегі («Электр энергетика» бағыты бойынша техника және технология бакалавры).

Электр энергетика және электр техника магистрі дәрежесін алды («Жоғары кернеулі техника») және Ұлттық зерттеу Томск политехникалық университетінде «Электр - және жылу техникасы» бағыты бойынша күндізгі аспирантураны бітірді.

«Электр техникалық материалдар және бұйымдар» мамандығы бойынша техника ғылымдарының кандидаты, «Электр энергетика» мамандығы бойынша философия докторы (PhD).

Энергетика және жасыл технологиялар институтының директоры болып тағайындалғанға дейін 2022 жылдың қыркүйегінен бастап «Электр энергетика» кафедрасын басқарды.