12.04.2022 Барлық жаңалықтар
Анхальт университеті Ғұмарбек Дәукеев атындағы Алматы энергетика және байланыс университетінің Қазақстандық студенттері мен магистранттарын оқыту мүмкіндігін арттырды
Жұмыс істейтін жобалар
Польшада осы ел университеттерінің басшылығымен жемісті және табысты кездесулерден кейін АЭжБУ делегациясы Германияға аттанды. Бұл сапардың мақсаты - Анхальт университетімен ынтымақтастықты кеңейту жолдарын қарастыру, Саксония-Анхальт жеріндегі орталық Германияның Тарихи облысы. Университет факультеттері көршілес үш қалада – Кётен, Дессау және Бернбургте орналасқан.
АЭжБУ мен Анхальт университеті түрлі бағыттар бойынша ынтымақтасып жатқанын атап өткен жөн. 2021 жылы бакалавриаттың "Жүйелік инженерия" бірлескен бағдарламасына қабылдау жүзеге асырылды. Екі топ құрылды. Төрт жыл бойы студенттерге неміс тілін тереңдетіп оқуға мүмкіндік беріледі. Екінші курстан бастап, пәндердің бір бөлігін онлайн-режимде Анхальт университетінің оқытушылары жүргізеді. Сонымен қатар, білім алушыларға белгілі бір мерзімге академиялық ұтқырлық бағдарламасы бойынша Германияға бару мүмкіндігі беріледі. Бакалавриатты аяқтағаннан кейін, "Жүйелік инженерия" бағдарламасының түлектері Анхальт университетінде де, Германияның басқа университеттерінде де магистратурада оқуын жалғастыра алады.
Сонымен қатар, қазіргі уақытта Кётенде АЭжБУ-дан "Электр инженериясы және кіріктірілген жүйелер" білім беру бағдарламасы бойынша төрт магистрант білім алуда. Қабылданған шешімдерге сәйкес бірінші оқу жылы АЭжБУ – да, екінші жыл Германияда, диссертация бойынша жұмыс және оны қорғау сол жерде жүзеге асырылады. Бітірушілер 2 диплом алады – Ғұмарбек Дәукеев атындағы Алматы энергетика және байланыс университеті және Анхальт университеті.
Келешекті бағыттар
Өткен жылдың қараша айында осы Неміс университетінің өкілдері Алматыға келді. Қазір АЭжБУ делегациясының алдағы уақытта бірлескен қызметті кеңейту және дамыту үшін сапарының уақыты келген сияқты. Анхальт университетінің президенті, профессор Джордж Багдан және АЭжБУ ректоры, профессор Сауле Сагинтаева оқу үдерісімен және ғылыми зерттеулермен байланысты алдағы қадамдарды талқылап, белгіледі. Осындай бағыттардың бірін АЭжБУ кафедрасының меңгерушісі Игорь Федоренко ұсынды. Ол "Автоматтандыру және басқару" бағыты бойынша оқыту траекториялары, қолда бар техникалық база, бағдарламалық қамтамасыз ету және Siemens, Schneider Electric, Honeywell және National Instruments сияқты әлемге әйгілі компаниялармен ынтымақтастық туралы айтып берді. Факультет деканы, профессор Марк Энзманн жауап ретінде АЭжБУ "Автоматтандыру және басқару" кафедрасымен бірлескен қызметке қызығушылық білдірді, бакалавриат және магистратура білім беру бағдарламалары бойынша осы бағытта ұсынылған оқу жоспарлары туралы оң пікір білдірді.
Сындарлы диалогтар
Қазақстан делегациясының Анхальт университетінің "Электр инженериясы және кіріктірілген жүйелер" бірлескен магистрлік бағдарламасының жетекшісі, профессор Эдуард Сименспен жемісті және сындарлы диалогы өтті. Оқу процесін ұйымдастырудың түрлі схемалары мен нақты өзара іс-қимыл алгоритмдері талқыланды. Сапардың маңызды сәті сондай-ақ "Электр энергетикасы", "Автоматтандыру және басқару", "Биомедициналық техника" және IT-технологиялар бағыттары бойынша оқу, зерттеу зертханаларының мүмкіндіктерімен тыңғылықты танысу болды. Оларды университет профессорлары Эдуард Сименс, Марк Энзман және Джон Тумблер таныстырды. Зертханалармен мұндай танысу және олардың әлеуетін білу оқу процесін тиімді ұйымдастыруға мүмкіндік береді.
АЭжБУ халықаралық департаментінің бастығы Мадина Алиярова және жетекші маман Алия Елеманова Анхальт Университетіндегі әріптестері, экономика профессорлары Корнелия Скотт және Маркус Хольцпен бірге кәсіпорындар мен компаниялар менеджерлерінің біліктілігін арттыруға арналған "Энергетикалық саясат және халықаралық сауда" ХБА бірлескен бағдарламасының құрылымы мен мазмұны бойынша келісімдерді талқылап, келісімге келді.
Тараптар ынтымақтастықтың барлық бағыттары бойынша алдағы айлар жоспарларының іске асырылуын 2022 жылғы маусымның екінші жартысында Анхальт университеті өкілдерінің Алматыға келуі кезінде талқылауды жоспарлап отыр. Ынтымақтастық жай ғана жалғасып қана қоймай, сапалы жаңа деңгейге дамуда!
Жылу энергетикасы және басқару жүйелері институты