10.06.2022 Барлық жаңалықтар

Сәтбаев университетінде (Қ. Сәтбаев атындағы Қазақ ұлттық ғылыми-зерттеу техникалық университеті) «Қоғамдық ғылымдар» кафедрасы мен «Ғылыми кітапхана» базасында «Ашаршылық және саяси қуғын-сүргін құрбандарын еске алу күніне» арналған дөңгелек үстел өтті. Шара Ғұмарбек Дәукеев атындағы Алматы энергетика және байланыс университетінің «Әлеуметтік пәндер» кафедрасымен бірлесіп ұйымдастырылды. Дөңгелек үстелді Сәтбаев университетінің әлеуметтік ғылымдар кафедрасының оқытушысы Тұрлыбек Сәлімұлы Тұмабаев жүргізіп отырды.

Шараның мақсаты – саяси қуғын-сүргін құрбандарын мәңгі есте қалдыру, жалпы құндылықтарды қалыптастыру, ұлттық жадыны жаңғырту және тарихи тәжірибені ұрпаққа жеткізу.

Іс-шараға қатысушылар: Сәтпаев университетінің әлеуметтік ғылымдар кафедрасының профессорлық-оқытушылық құрамы, қазақ және орыс тілдері кафедрасы, сондай-ақ Ғұмарбек Дәукеев атындағы Алматы энергетика және байланыс университетінің әлеуметтік пәндер кафедрасының профессорлық-оқытушылық құрамы қатысты.

Бүгінгі күні тарихшы ғалымдарымыз Мемлекет басшысының тапсырмасымен қуғын-сүргіннің ақтаңдақтарын зерттеуге, көптеген түйінді мәселелерді шешуге кірісіп кеткеніне жыл толады. Олар мұрағаттарда жұмыс істеп, бұрын беймәлім құжаттарды ғылыми айналымға енгізіп, саяси қуғын-сүргін құрбандарын ұзақ уақыт ақтау үдерісіне атсалысуда.

Баяндамалармен дөңгелек үстелде Алматы қаласының саяси қуғын-сүргін құрбандарын толық ақтау жөніндегі комиссия мүшелері: Кабдушев Болат Жоламанұлы – т.ғ.к., доцент, Ғұмарбек Дәукеев Алматы энергетика және байланыс университетінің «Әлеуметтік пәндер» кафедрасының меңгерушісі, Ермұханов Еркін Нұраддинұлы – т.ғ.к., Абай атындағы Қазақ ұлттық педагогикалық университетінің Қазақстан тарихы кафедрасының доценті, Мұхамбедьярова Алтынай Төлеуқызы – саясаттану ғылымдарының докторы, Ғұмарбек Дәукеев атындағы Алматы энергетика және байланыс университетінің профессоры, Салқынбек Досалы Исаханұлы - Қ.И. Сәтпаев атындағы ҚазҰТЗУ әлеуметтік пәндер кафедрасының профессоры, Өтеғалиева Алмажан Жүсіпқызы – т.ғ.к., Ғұмарбек Дәукеев атындағы Алматы энергетика және байланыс университетінің доценті, Нұрғалым Қадір Салықұлы – с.ғ.к., Абай атындағы Қазақ ұлттық педагогикалық университетінің доценті, Рыскилдинова Динара Байзаковна – Ғұмарбек Дәукеев атындағы Алматы энергетика және байланыс университетінің оқытушысы, Өмірбеков Аспандияр Әденұлы – Қ. Сәтпаев атындағы ҚазҰТУ тарихи мұражайының бас маманы, Қазақстан Жазушылар одағының мүшесі баяндама жасады.

Дөңгелек үстелде спикерлер 1920-1940 жылдардағы саяси қуғын-сүргіннің республиканың демографиялық құрамына, қазақстандықтардың көңіл-күйіне ең ауыр зиянын тигізгенін атап өтті. Бұл шынымен де зұлмат жылдар еді. Бұл кезеңде ұжымдастыру қасіретімен қатар мыңдаған жазықсыз қазақстандықтар саяси қуғын-сүргін мен қуғын-сүргінге ұшырап, Кеңес Одағының әр өңірінен миллионнан астам адам жер аударылды. Сонымен қатар, қуғын-сүргін салдарынан он мыңдаған қандастарымыз басқа елдерге қоныс аударуға мәжбүр болды.

Дөңгелек үстел отырысы пікір алмасумен жалғасты. Қатысушылар саяси қуғын-сүргін құрбандарын еске алудың, жастардың санасын жаңғыртудың қаншалықты маңызды екендігіне тоқталып, ел тарихындағы саяси қуғын-сүргін мен ашаршылық туралы өз ойларын ортаға салды. Дөңгелек үстел барысында қатысушылар «Голодомор» трагедиясы туралы ғана емес, одан сақтануға болатын-болмайтыны туралы да айтып, басқа одақтық республикалардағы ашаршылықпен параллельдер жүргізді.

Соңында жиынның қорытындысы шығарылып, алдағы уақытта осы бағыттағы жоспарлы іс-шаралар талқыланып, белгіленді.

Мұхамбедьярова Алтынай

саясаттану ғылымдарының докторы,

Әлеуметтік пәндер кафедрасының профессоры