17.09.2024 Барлық жаңалықтар

16 қыркүйекте Energo University-де «КИСИ GPS: Gylym. Pikir. Sayasat» Ұлттық сараптамалық алаңының «Қазақстан және бейбіт атом: жаңа мүмкіндіктер мен даму басымдықтары» тақырыбында отырысы өтті. ҚР Президенті жанындағы Қазақстан Республикасының Ұлттық ғылым академиясы іс-шараның бірлескен ұйымдастырушысы ретінде шықты.

Іс-шараға ядролық физика, ядролық технологиялардың қауіпсіздігі, атом энергетикасы мен өнеркәсібі саласындағы жетекші қазақстандық ғалымдар мен сарапшылар қатысты. Жиналыстың күн тәртібінде энергетика, атом технологиялары және тұрақты даму саласындағы инновациялар талқыланды. Ғалымдар, саясаттанушылар, қоғам қайраткерлері қатарындағы сарапшылар атом энергетикасының қауіпсіздігі, оның әлемдегі даму үрдістері, сондай-ақ Қазақстанда атом электр станциясын салу қажеттілігі тақырыбын талқылады.

Energo University атынан «Жылу энергетикасы» кафедрасының профессоры Андрей Кибарин жиналғандардың алдында баяндама жасап, болашақ энергетикалық технологиялар бойынша форсайт-зерттеудің нәтижелерімен бөлісті.