01.02.2021 Барлық жаңалықтар
Оқу процесіне заманауи технологиялар мен жаңа жабдықтар енгізілуде!
Ғұмарбек Дәукеев атындағы Алматы энергетика және байланыс университетінде "Автоматтандыру және басқару" кафедрасының оқытушыларына өнеркәсіптік автоматтандыру саласындағы әлемдік көшбасшы - "Шнайдер электрик" компаниясының біліктілікті арттыру курстарының топтамасы басталды. Кадрлар барлығын шешеді - бұл ақиқат Ғұмарбек Дәукеев атындағы Алматы энергетика және байланыс университетінің сапалы білімі мен табысты қызметінің кепілі болып табылады. Сондықтан мұнда оқытушы-профессорлар құрамының біліктілігін арттыруға аса маңызды және жіті назар аударылады.Мысалы, 2021 жылдың қаңтар айынан бастап "Шнайдер электрик" компаниясымен көпжақты ынтымақтастық аясында "Автоматтандыру және басқару"кафедрасы оқытушыларының біліктілігін арттыру бағдарламасы жүзеге асырылуда. Сонымен қатар, курстардың барлық топтамасы жоспарланған, олардың алғашқысы қаңтар айының соңында өтті. Олар "Шнайдер электрик" автоматикасының заманауи құралдарымен - өнеркәсіптік бақылаушылармен жұмыс істеудегі білім, білік және дағды деңгейін арттыруға арналды, оларсыз бүгінде адам қызметінің кез келген саласында автоматтандыру мен басқарудың бірде-бір жүйесін елестету мүмкін емес.Біліктілікті арттыру тобының құрамына АЭжБУ-да "Автоматтандыру және басқару"білім беру бағдарламасының пәндері бойынша мемлекеттік, сондай-ақ орыс және ағылшын тілдерінде сабақ жүргізетін оқытушылар кірді. Қаңтар айында ұйымдастырылған курстардың мақсаты-заманауи, өнеркәсіптік жабдықтармен жұмыс істеу және оны бағдарламалау дағдыларын жетілдіру.Алынған білім негізінде және жаңа техникалық және бағдарламалық әзірлемелерге сәйкес "Автоматика элементтері мен құрылғылары", "Цифрлық техника мен басқарудың микробақылауыштарын бағдарламалау", "Басқару жүйелеріндегі микропроцессорлық кешендер", "Басқару нысандарын автоматтандыру", "Автоматтандыру жүйелерін жобалау" және "Scada-жүйелерді құру негіздері"сияқты пәндердің мазмұнына түзетулер енгізілетін болады.Алайда, бұл тек бастамасы. Ақпанның бірінші жартысында АЭжБУ "Автоматтандыру және басқару" кафедрасының оқытушылары үшін "Шнайдер электрик" компаниясының басқа компоненттеріне және заманауи, өнеркәсіптік автоматтандыру жүйелерінің бағдарламалық қамтамасыз етілуіне арналған тағы бір біліктілікті арттыру курстары өтеді. "Кадрлар бәрін шешеді" деп бекер айтылмаған!
“Автоматтандыру және басқару” кафедрасы
