28.04.2021 Барлық жаңалықтар

Ғұмарбек Дәукеев атындағы Алматы энергетика және байланыс университеті (бұдан әрі - АЭжБУ) әріптестік өзара қарым-қатынастар желісін (оның ішінде басқа да білім беру және ғылыми ұйымдармен) белсенді түрде құруда, бұл студенттерді даярлау сапасын арттыруға, сондай-ақ зерттеу құрамдасын күшейтуге және коммерцияландыру жөніндегі қызметті дамытуға мүмкіндік береді.

2021 жылғы 28 сәуірде Нұр-сұлтан қаласында "University Aliance of Science and Technology" Жоғары оқу орындарының альянсы құрылды, оның құрамына бес жоғары оқу орны кірді: Astana IT University, Ғұмарбек Дәукеев атындағы Алматы энергетика және байланыс университеті, Халықаралық ақпараттық технологиялар университеті, Қазақстан-Британ техникалық университеті, Халықаралық бизнес университеті.

Альянсты құрудың мақсаты адами, материалдық-техникалық және өзге де ресурстарды шоғырландыру жолымен бәсекеге қабілетті кадрлар даярлау үшін интеграцияланған ғылыми-білім беру ортасын құру болып табылады.

Келісім Қазақстан Республикасының экономикасы мен әлеуметтік саласын дамытудың өзекті проблемаларын бірлесіп шешуге бағытталған жоғары оқу орындары арасындағы пәнаралық білім беру, ғылыми-зерттеу және инновациялық жобаларды іске асыруды көздейді.