08.10.2021 Барлық жаңалықтар

ҚР Денсаулық сақтау министрінің 2021 жылғы 30 қыркүйектегі бұйрығымен «Жіті респираторлық вирустық инфекциялар, тұмау және олардың асқынулары (пневмония), менингококк инфекциясы, COVID-19 коронавирустық инфекциясы, желшешек, скарлатина кезінде санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптар» санитариялық қағидаларына толықтырулар енгізілді, деп хабарлайды zakon.kz.

Атап айтқанда, санитариялық-эпидемияға қарсы, санитариялық-профилактикалық іс-шаралар жүргізілетін жерлерде немесе объектілерде COVID-19-дың таралуына жол бермеу шаралары туралы айтылатын 49-тармақ келесі тармақшамен толықтырылды: тізбесін Қазақстан Республикасының Бас мемлекеттік санитариялық дәрігері, тиісті әкімшілік-аумақтық бірлікте бас мемлекеттік санитариялық дәрігерлер белгілеген ұйымдарда/объектілерде COVID-19-ға қарсы вакцина алған ұйымдардың қызметкерлері үшін күндізгі режимде жұмысқа жіберу рұқсат етілсін.

Бұдан басқа, тізбесін Қазақстан Республикасының Бас мемлекеттік санитариялық дәрігері, тиісті әкімшілік-аумақтық бірліктегі бас мемлекеттік санитариялық дәрігерлер белгілеген ұйымдарда/объектілерде міндетті ПТР-тестілеу (7 күнде 1 рет), соңғы 3 ай ішінде COVID-19-бен ауырып жазылған, тұрақты медициналық қарсы көрсетілімдері бар адамда медициналық анықтама болған жағдайда COVID-19-ға қарсы вакциналанбаған қызметкерлерді күндізгі режимде жұмысқа жіберуге  рұқсат етіледі деп көрсетілген. 

Бұйрық 2021 жылғы 17 қазаннан бастап қолданысқа енгізіледі.

Zakon.kz материалдары бойынша / / Денсаулық сақтау министрлігі вакциналауды жұмысқа жіберудің міндетті шарты ретінде бекітті / / Дереккөз: Zakon.kz-2021- 8 қазан.