28.09.2022 Барлық жаңалықтар

 «Cisco» академиясының нұсқаушысы, «Ақпараттық жүйелер және киберқауіпсіздік» кафедрасының аға оқытушысы Әлия Советжанқызы Тергеусизова «Бөбек» Жалпыұлттық қозғалысы» қауымдастығы нысанындағы заңды тұлғалар бірлестігі ұйымдастырған Тәуелсіз Мемлекеттер Достастығының Ғылыми-білім беру мекемелері арасында өткізілген «Үздік педагог-2022» халықаралық кітап басылымының І дәрежелі Дипломымен марапатталды.

Тәуелсіз Мемлекеттер Достастығының «Үздік педагог – 2022» II Халықаралық кітап басылымы бүкіл ТМД мен Еуропаның ғылыми-педагогикалық қызметкерлерінің ғылымы мен жеке табыстарын насихаттауға бағытталған бірегей жоба болып табылады.

Бұл жобаға Қазақстан Республикасының, Ресей Федерациясының, Өзбекстан Республикасының, Тәжікстан Республикасының, Қырғызстан Республикасының, Беларусь Республикасының ғылыми-педагогикалық қызметкерлері қатысты. Халықаралық ынтымақтастық шеңберінде қалыптастырылған ғылыми база ғылыми-педагогикалық қоғамдастықтың хабардарлығын едәуір кеңейтуге және ТМД мен Еуропа елдерінде ғылымның одан әрі интеграциялануына ықпал ететін болады.