04.09.2024 Барлық жаңалықтар

Тамыз айының соңында Huawei Kazakhstan Instructor Summit 2024 өтті, оған Energo University Автоматтандыру және ақпараттық технологиялар институтының өкілдері: Киберқауіпсіздік кафедрасының меңгерушісі Енлік Ерікқызы Бегімбаева, Huawei академиясының сертификатталған нұсқаушылары, оқытушылар Голубева Татьяна Викторовна және Тайлаков Виктор Александрович қатысты.

Саммит барысында Қазақстанның 40-тан астам Huawei АКТ Академияларының нұсқаушылары қазіргі жағдай мен болашақтағы АКТ саласындағы үрдістерді талқылады, сондай-ақ Huawei ICT Academy бағдарламасының табысты тәжірибелерімен бөлісті. Energo University базасында жұмыс істейтін Huawei ICT академиясы шеңберінде таланттарды дайындауда үлкен практикалық тәжірибесі бар Татьяна Викторовна Голубева баяндама жасады.

Сонымен қатар, іс-шара барысында АКТ Академияларының дамуы, жаңа курстарды енгізу және Қазақстанда ақылды білім беруді трансформациялау стратегиясы талқыланды.