03.12.2024 Барлық жаңалықтар

Energo University-дің үш студенті Таяу Шығыс пен Орталық Азияның 13 елінің студенттері қатысқан ICT Competition Regional Final байқауында Қазақстан атынан өнер көрсетті. Бұл жарысқа біздің студенттер 2024-2025 жылдарға арналған ICT Competition ұлттық финалындағы жеңістерінің арқасында жолдама алды. Конкурсты Huawei компаниясы ұйымдастырған.

Жеңімпаздар қатарында «Ақпараттық технологиялар жүйелері» мамандығының студенттері, Автоматтандыру және ақпараттық технологиялар институтының өкілдері Сабырғали Аманжан мен Даулбаев Закир (Киберқауіпсіздік кафедрасы), сондай-ақ «Радиотехника, электроника және телекоммуникация» мамандығының студенті, Коммуникация және ғарыштық инженерия институтының өкілі Абдуғаниев Дамир (Телекоммуникация инженериясы кафедрасы) бар.

Студенттер 2019 жылдан бері университетімізде жұмыс істеп келе жатқан елдегі үздіктердің бірі болып саналатын Huawei Академиясы базасында білім алуда. Оларды тәжірибелі сертификатталған нұсқаушылар Тайлаков Виктор және Голубева Татьяна оқытады.

ICT Competition Regional Final байқауының нәтижелері желтоқсанның екінші жартысында белгілі болады. Жеңімпаздар Қытайда өтетін байқаудың жаһандық финалына қатысуға мүмкіндік алады.

Анықтама:

ICT Competition — бұл Huawei компаниясы ұйымдастыратын талантты жастарды қолдауға бағытталған жыл сайынғы жарыс. Конкурс он шақты елді қамтиды. Energo University студенттерінің халықаралық деңгейдегі жарыстарға қатысуы Қазақстанның жаһандық ICT саласындағы ұстанымын нығайтуға ықпал етеді.