21.02.2022 Барлық жаңалықтар

2022 жылдың 21 ақпанында Ғұмарбек Дәукеев атындағы Алматы энергетика және байланыс университетінде робототехника және 3D-модельдеу бойынша "DAU key to be clever" тегін мектебінің ашылуы өтті. "Бұл өте қызықты және керемет! Бізге роботты қалай дұрыс жинау керектігін көрсетті. Осындай мүмкіндік үшін АЭжБУ-ға рахмет. Мен өскенде міндетті түрде робототехник және мықты инженер боламын", - деп өз әсерімен бөлісті төменгі сынып оқушысы Санжар.

Университеттің сертификатталған мамандары балаларға робототехниканың қызықты және танымдық әлемін ашты. Алынған білім оларға робототехникалық жүйелерді модельдеу мен құрастырудағы негізгі дағдыларды дамытуға көмектеседі.

Мектеп телекоммуникация және ғарыштық инженерия институтының директоры Қуаныш Әліпбаевтың қолдауымен іске қосылды. "Бұл мектеп 2016 жылы құрылды, бірақ 2019 жылғы пандемияға байланысты жұмыс уақытша тоқтатылды. Биыл біз осы тамаша жобаны - робототехникадан екі апталық тегін мастер-классты қайта іске қостық. Тілек білдірушілер өте көп, және жас санаттары әртүрлі. Бізге Бішкектен де тіркелдік, бұл тек қуантады. Өткен жылы біз мүмкіндігі шектеулі балаларды шақырдық, яғни инклюзивті оқыту жүргіздік. Қазір бізде жасы 10-ға дейін, кейінірек 13 жасқа дейінгі балалар келеді, содан кейін 13-тен 16-ға дейін. Бұл балаларға біздің магистрлер инженерлік техника мен робототехника негіздерін үйретеді. Мұндай акцияларды біз үнемі өткізіп отырамыз. Мен жігіттерге осы бағытта батыл оқып, дамығанын тілеймін", - деді ол.