19.01.2024 Барлық жаңалықтар

Әзірге бәрі демалып, каникул кезінде рахатқа бөленіп жатқанда 2023 жылы Energo University-дің (Алматы энергетика және байланыс университеті) «6B06101 Computer science», «6B06105 Бағдарламалық жасақтама»,  «6B06103 Есептеу техникасы және бағдарламалық қамтамасыз ету» және «6B06102 Ақпараттық жүйелер» бағдарламаларына оқуға түскендер екінші семестрді бастап қойды.

-Осы оқу жылында алғаш рет біз «Ақпараттық коммуникациялық технологиялар»  даярлау бағыттары бойынша білім алушылар үшін триместрлік жүйе бойынша оқытуды енгізуді шештік, - деді академиялық жұмыс жөніндегі проректор Саренова Айгуль. – Триместрлік оқыту жүйесі әлемнің көптеген елдерінде қолданылады. Оның басты артықшылығы – үздіксіз оқу кезеңдерін қысқарту және ұзақ демалыс кезеңінен бас тарту арқылы студент үшін білім беру процесін ыңғайлы ұйымдастыру.

Триместрлік тәсілмен студенттер оқу жүктемесінің біркелкі бөлініп және пре – мен постреквизиттік пәндердің ауысуына байланысты материалды жақсы игере алады деген болжам жасалуда. Бұл ретте оқу мерзімі бір жылға қысқарады-студенттер бакалавр дипломын төрт емес, үш жыл табысты оқудан кейін ала алады.