29.04.2021 Барлық жаңалықтар

Ғұмарбек Дәукеев атындағы Алматы энергетика және байланыс университетінде (бұдан әрі –АЭжБУ) Халықаралық Жер-Ана күніне орайластырылған экологиялық сенбілік өтті, оған АЭжБУ-дың 100-ден астам қызметкерлері, оқытушылары және студенттері қатысты.  

«Бұл біздің қаламыздың тазалығын сақтауға қосқан үлесіміз. Елде тазалықты сақтау – әрбір азаматтың міндеті деп санаймын. Экологиялық сенбіліктің мақсаты – қала тұрғындарының экологиялық санасы мен ойлау қабілетін, мәдениет деңгейін арттыру. Сондықтан АЭжБУ қызметкерлері мен студенттері университеттің айналасын және Бостандық ауданының аумағын тазалады», - деп атап өтті АЭжБУ Тәрбие жұмысы жөніндегі проректоры Серік Қапанұлы Махмұтов.

АЭжБУ 150 жыл бұрын пайда болған Алматы қаласының «Жасыл дәстүрлерін» әрдайым қолдайды. «Жасыл дәстүрдің» негізін қалаушы генерал және Верный қаласының құрметті тұрғыны Герасим Алексеевич Колпаковский болды, ол қаланың әр тұрғынына үйдің жанында екі терек, ал үйдің жанында жеміс ағаштарын отырғызуды міндеттеді.

Бұл дәстүр қазіргі таңда да жалғасын табуда. Университет аумағында қызметкерлер мен оқытушылар Қазақстан Республикасы Тәуелсіздігінің 30 жылдығына орай 30 қылтанақты ағаш отырғызды. Бір қызығы, Туи ежелгі атауларының бірі «Өмір ағашы» болған. АЭжБУ экологиялық акциясының мақсаты – рухани және мәдени мұраны сақтау, дамыту, ал ең бастысы –Алматы қаласында экологиялық ортаны жақсарту.