17.05.2024 Барлық жаңалықтар
16 мамырда Energo University-де (Ғұмарбек Дәукеев атындағы Алматы энергетика және байланыс университеті) жаңа ректор- Нығыметов Ғани ЖОО-ның студенттік қауымдастығымен танысты. Ол қызметіне кіріскеннен кейінгі бұл алғашқы кездесу Ректор мен студенттер арасында ашық, тұрақты диалог орнатудың маңызды сәтіне айналды.
Кездесу барысында Ғани Сақтағанұлы жаңа академиялық және ғылыми бағдарламаларды ашу, студенттер мен ПОҚ-ты тарту, басқару жүйесінің тиімділігін арттыру, оқу корпустарын жаңарту және жаңа кампус ашу бойынша бірқатар маңызды бағыттарды қамтитын ЖОО-ның болашақ даму стратегиясының алғашқы контурларын ұсынды. Еуропаның, АҚШ-тың, Қытайдың жетекші университеттерімен және ғылыми орталықтарымен сұранысқа ие қос дипломды білім беру бағдарламаларын іске қосу есебінен академиялық стандарттарды арттыру жоспарлануда. Жаңа ректор Energo University базасында бірқатар әлемдік университеттердің филиалдарын, сондай-ақ өндірістік компаниялармен бірлесіп ғылыми-зерттеу зертханаларын ашу келешегіне үлкен көңіл бөледі. Бұл бағыттағы алғашқы қадам- келесі аптада өтетін Мәскеу энергетикалық институтымен ынтымақтастық туралы келісімге қол қою.
Нығыметов Ғани студенттерге инфрақұрылымдық даму жоспарларын айтты. Осы жылдың көктемінде басталған оқу ғимараттарының аудиториялық қорын жөндеу жалғасады. Жаңа оқу жылының басында негізгі жөндеу жұмыстарын жүргізу жоспарлануда. Үлкен өзгерістер оқу кампусына іргелес аумаққа әсер етеді. Болашақта ол қалалық ландшафтқа тамаша сәйкес келетін жұмыс, оқу және ашық ауада демалу үшін заманауи, ыңғайлы және әдемі алаңына айналады.
"Қазақстанның энергетика саласы кәсіби кадрларға аса мұқтаж. Біз сіздің сапалы біліміңізге, оқуыңызға және жайлылығыңызға қажетті жағдайларды жасаймыз. Сіздің міндетіңіз-өз уақытыңызды барынша тиімді басқару, еліміздің игілігі үшін болашақ мамандыққа дайындалу", - деді Нығыметов Ғани студенттерге.
Тұсаукесерден кейін ректор студенттермен ашық сөйлесіп, барлық қызықты сұрақтарға жауап беріп, олардың әрқайсысының болашақ университетті қалыптастыру процесіне қатысуының маңыздылығын атап өтті.